Ubuntu Cymraeg

Canllaw gosod rhaglenni a meddalwedd

Er mwyn sicrhau bod gwybodaeth am bynciau pwysig ar gael yn hawdd, a’r wybodaeth honno’n gyfredol, dyma dudalen ar sut i osod meddalwedd ar Ubuntu. Gellir mynd ati drwy glicio’r ddolen Gosod Rhaglenni yn y ddewislen ar frig y blog.

Mae’n cynnwys gwybodaeth am Ganolfan Meddalwedd Ubuntu, ffeiliau .deb, a sut i ddefnyddio Apt.

Tynnu sgrînlun o ran o’r sgrîn

Ar Ubuntu a nifer o systemau gweithredu eraill mae bysell PrtSc yn tynnu sgrînlun o’r sgrîn gyfan. Os oes angen llun o ran o’r sgrîn mae’n rhaid agor Gimp i olygu’r sgrînlun, neu newid gosodiadau Gimp cyn tynnu’r sgrînlun. Mae estyniad Area Screenshot yn gwneud hyn yn hawdd drwy greu llwybr byr ar gyfer y gwaith.

Darllen gweddill Tynnu sgrînlun o ran o’r sgrîn

Hacio’r Iaith 2012

Cynhadledd agored ar y we a thechnoleg sy’n rhoi’r cyfle i bobol i ddod i gyflwyno eu profiadau ac i ddysgu oddi wrth ei gilydd mewn awyrgylch braf, hamddenol a thrwy gyfrwng y Gymraeg. Bydd cynhadledd 2012 yn cynnwys sesiwn dan arweiniad Mark Jones am gyfieithu Ubuntu ar Launchpad.

Adeilad Parry-Williams, Prifysgol Aberystwyth, ar benwythnos Ionawr 27-28, 2012.

Manylion ar y wici | Poster

Gpaste: rheolwr clipfwrdd Gnome

Mae Gpaste yn declyn defnyddiol sy’n arbed y defnyddiwr rhag gorfod symud yn ôl ac ymlaen rhwng ffeiliau yn copïo a gludo testun a delweddau. Gall fod yn arbennig o ddefnyddiol wrth gyfieithu, blogio neu olygu dogfennau testun.

Darllen gweddill Gpaste: rheolwr clipfwrdd Gnome

Clic dde yn Nautilus

Fel y rhan fwyaf o reolwyr ffenestri mae gan Nautilus ddewsilen clic dde sy’n cynnwys pethau fel dileu, creu plygell ayb, yn dibynnu ar y cyd-destun. Mae modd ychwanegu llawer mwy o ddewisiadau drwy lwytho Nautilus Actions Extra, pecyn o sgriptiau defnyddiol ar gyfer Nautilus.

Darllen gweddill Clic dde yn Nautilus

Swp brosesu delweddau gyda Converseen

Er bod modd defnyddio ImageMagick i drosi, addasu a phrosesu delweddau, nid yw defnyddio terfynell at ddant pawb. Mae Converseen yn rhaglen gyda rhyngwyneb graffegol sy’n defnyddio ImageMagick i wneud y gwaith. I’w osod copia, gludo a gweithredu’r canlynol mewn terfynell fesul llinell.

sudo add-apt-repository ppa:faster3ck/converseen
sudo apt-get update
sudo apt-get install converseen

Gwefan Converseen | Sgrînluniau

Defnyddio GNOME 3

Dyma ran gyntaf canllaw ar ddefnyddio Gnome 3.

Y peth cyntaf i wneud ar ôl gosod Gnome ar y system yw cychwyn Gnome Tweak Tool. Os nad yw ar y system yn barod gellir ei lwytho drwy: sudo apt-get install gnome-tweak-tool

Darllen gweddill Defnyddio GNOME 3

Full Circle 55

Mae rhifyn 55 o Full Circle ar gael i’w lwytho’n rhad ac am ddim o fan hyn. Mae hefyd modd ei lwytho erbyn hyn o Ganolfan Meddalwedd Ubuntu, a bydd yn cael ei gadw yn /opt/fullcircle/issues/.

Mae’r cylchgrawn hefyd yn rhyddhau podlediadau defnyddiol sy’n cynnwys gwybodaeth am Ubuntu a Linux.

Llwytho Full Circle: Canolfan Meddalwedd Ubuntu

GNOME 3

GNOME 3 yw penbwrdd diofyn Linux Mint 12, Fedora 16 a nifer o systemau gweithredu eraill. Mae’r penbwrdd yn hawdd i’w ddefnyddio, deniadol, cyflym, a chyfoes, ac yn integreiddio’n hawdd gyda gwasanethau fel Gmail a Calendr Google, Twitter, Facebook ayb. Gellir ei osod ar Ubuntu drwy agor Terfynell a chopïo a gludo’r gorchymyn hwn:

sudo apt-get install gnome-shell

Darllen gweddill GNOME 3

Linux Mint a Gnome 3

Mae’n debyg mai Linux Mint, ac nid Ubuntu, yw’r fersiwn mwyaf poblogaidd o Linux erbyn hyn ar gyfer defnyddwyr newydd. Mae ffigyrau diweddar o wefan Distrowatch yn dangos cynnydd sylweddol yn y nifer o bobl sy’n dewis llwytho Mint, a hynny ar draul Ubuntu. Y prif reswm sy’n cael ei roi dros y newid hwn yw penderfyniad dadleuol Canonical i ollwng Gnome fel rhyngwyneb diofyn Ubuntu a defnyddio Unity yn ei le. Ar yr un pryd mae Mint 12 (Lisa) wedi llwyddo i greu system sy’n defnyddio Gnome 3, rhyngwyneb hawdd ei ddefnyddio a deniadol.

Dyw’r cyhoeddiad ddim yn newyddion gwael i gyd i Ubuntu. Petai’r ffigyrau yn cynnwys pobl sy’n llwytho systemau sy’n rhan o deulu Ubuntu fel Kubuntu ac Xubuntu, byddai Ubuntu’n dal ar y blaen. Mae’n bwysig cofio hefyd mai addasiad o Ubuntu yw Linux Mint, a bod modd llwytho rhaglenni o Gronfeydd Meddalwedd Ubuntu ar Mint. Mae Canonical wedi buddsoddi tipyn o amser ac arian yn Unity gyda’r nod yn y pen draw o gystadlu ar dabledi a ffônau symudol, ac efallai mai dyma un o’r rhesymau pam nad yw’n apelio cymaint at ddefnyddwyr cyfrifiaduron traddodiadol.

Bydd adolygiad llawn o Linux Mint a Gnome 3 yn ymddangos fan hyn yn fuan.

Ubuntu Cymraeg

Ubuntu Cymru

Dolenni

Sylwadau diweddar

Archif