Mae GNOME Do yn cynnig ffordd wahanol i ti ryngweithio gyda’r bwrdd gwaith ar system Ubuntu a systemau Linux eraill. Y syniad y tu ôl GNOME Do yw i wneud tasgau cyffredin rwyt ti’n eu cyflawni drwy’r amser ar dy gyfrifiadur yn hawdd a didrafferth. Gyda GNOME Do mae modd i ti chwilio am ffeiliau, lansio rhaglenni, anfon ebost, sgyrsio, blogio, chwarae cerddoriaeth a llawer mwy drwy un ffenest sy’n agor ar dy fwrdd gwaith.
Gall gymryd peth amser i ti ddod yn gyfarwydd â’r llwybrau byr, ond unwaith i ti wneud mae modd i ti gyflawni tasgau yn gyflym iawn. Mae modd llwytho GNOME Do drwy’r Rheolwr Pecynnau Synaptic.
Gwefan GNOME Do | Wici GNOME Do | Llwybrau Byr GNOME Do
Darllen gweddill GNOME Do
Cylchgrawn Linux Format
Ers peth amser mae cylchgrawn Linux Format wedi bod yn cyhoeddi tiwtorials cynhwysfawr a defnyddiol am sut i gyflawni tasgau syml a chymhleth yn defnyddio rhaglen graffeg Gimp. Erbyn hyn mae’r cylchgrawn wedi rhyddhau’r 18 tiwtorial yn rhad ac am ddim ar fformat pdf.
Gan eu bod yn cynnwys cyfarwyddiadau manwl sy’n dy arwain gam wrth gam drwy broses, byddi’n dysgu llawer am Gimp o’u dilyn. Mae modd llwytho’r tiwtorials yn unigol o Tux Radar, neu i gyd gydai’i gilydd fel ffeil zip sy’n rhyw 90MB.
Mae Linux Format yn nodi bod hawl gen ti ddobsarthu’r rhain ar bapur neu ar ddisg yn rhad ac am ddim at ddefnydd anfasnachol, ond yn gofyn i ti beidio a’u dosbarthu arlein, ac yn hytrach i gyfeirio pobl at eu gwefan nhw.
Os wyt ti’n defnyddio siop MP3 Amazon mae’n rhaid i ti gael meddalwedd arbennig os am brynu albwm cyfan. Mae nifer o fersiynau Linux o’r meddalwedd llwytho caneuon, ac mae modd llwytho’r fersiwn Ubuntu’n hawdd. Mae’r caneuon ar Amazon yn rhydd o rwystrau DRM.
Naill ai llwytha’r meddalwedd o wefan Amazon a dilyn y cyfarwyddiadau sydd ar y dudalen, neu mae’n bosib bod modd i ti ei lwytho drwy Synaptic.
Darllen gweddill Llwythwr MP3 Amazon
Mae problem ar hyn o bryd gyda chronfa meddalwedd rhaglen Cairo-Dock. Nid yw Synaptic yn medru cyrchu diweddariadau gan bod gweinydd Cairo-Dock ar stop.
Cronfa Meddalwedd Cairo-Dock
Bydd yn rhaid aros tan i’r gronfa ddod arlein unwaith yn rhagor, ac mae perchnogion Cairo-Dock yn gweithio ar hyn: http://stwnsh.com/cronfacairodock
Os wyt ti’n defnyddio â ê î ô ŵ ŷ yn aml yn Open Office mae’n gallu bod yn drafferthus i fynd drwy’r broses o Mewnosod -> Nod Arbennig ayb. bob tro. Yr ateb yw recordio Macro fydd yn creu llwybr byr i wneud hyn. Gwylia’r fideo drwy’r dolenni ar waelod y cofnod hwn i weld pa mor hawdd yw gwneud hyn, a dilyna’r cyfarwyddiadau canlynol. Darllen gweddill Rhoi to bach ar â ê î ô ŵ ŷ yn Open Office
Os wyt ti’n cadw gwybodaeth gyfrinachol, ariannol neu sensitif ar dy gyfrifiadur mae’n werth amgryptio ffeiliau i roi lefel arall o ddiogelwch i’r wybodaeth honno. Gall hyn dy arbed petai rhywun yn dwyn y cyfrifiadur neu’n ei ddefnyddio heb dy ganiatâd. Dyma ddwy ffordd o wneud hyn yn Ubuntu, y cyntaf yn defnyddio Seahorse, allwedd PGP, a rhyngwyneb graffegol, a’r ail yn defnyddio GPG (GNU Privacy Guard) a therfynell.
Darllen gweddill Amgryptio ffeiliau
Mae nifer o raglenni yn Ubuntu sy’n dy alluogi i gopio DVD a CD. Nid yw pob un o’r rhain yn gallu copio pethau fel ffilmiau sy’n cael eu hamddiffyn gan rwystrau DRM. Serch hynny mae rhai rhaglenni fydd yn dy alluogi i gopio bron a bod unrhywbeth, rhwystrau neu beidio, ac un o’r rhain yw K9copy. I gopio mwy neu lai unrhyw DVD: Darllen gweddill Copio DVD a ffilmiau yn Ubuntu
Yn yr enghraifft hon byddwn yn defnyddio terfynell gyda’r gorchmynion canlynol:
- mkdir i greu plygell newydd o’r enw arbrawf
- cp i gopio ffeil o’r enw pwerdai2.gif i’r blygell arbrawf
- rm i ddileu’r ffeil
- rm -r i ddileu’r blygell
- hefyd: cd, ls a Tab (gweler Defnyddio Terfynell (2).
Sylwadau Diweddar